Transcription
1
Monsieur, ceste sera pour vous advertir que Madame et messieurs mes oncles sont en fort bonne santé,
2
Dieu grace, comme sont mes frères et moy aussi nous avons faict les festes de Nohel à Apt
3
où il faysoit ung grand froyst. Notre diner estoyt avec monsieur de St Cernin et le soupper
4
à levesché, doù madicte dame ne bougeoyt de tout le jour à cause du mauvais temps
5
quil a arresté là despuys la veille de Noel jusques à lavand veille des Roys. Je
6
vous veulx bien dire ung petit mot de mon frère Laurens, le quel faict tousiours
7
du sire en mon endroyt. Il a une petite chienne qui nous tient tous en subiection
8
mesmement moy, quil ne lause manier ni regarder et ma grande amie dict quil
9
est si sage et de si bonne grace et quil y fault en cores donner ung an à passer son
10
temps et seront VI ans quil aura ; il me semble que sest trop faict car
11
maintenant il debvroyt estre sage selon mon jugement. Et nestant ceste pour
12
autre, feray fin, après vous avoyr bayzé très humblement les maintz, priant
13
Notre Seigneur vous donner,
14
Monsieur, en parfaicte santé, longue heureuse vie. De Gargas, ce XIIIe janvier
15
Votre très humble et très obeissante fille à Jamays
16
Marguerite de Simienne
17